Хаттар:

Ассаламу Iалайкум! Зуда ламазах юхучу хенахь (менструаци хуьлчу хенахь) тIехь лелийна долчу духарца ламаз дан мегий? Масала, цкъа тIе а йоьхна, юха дIаяккхина хуьлийла иза, и. кх.дI.

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Нагахь санна и духар ламазана вуьшта цIена делахь, масала цунах зудчуьнан и тIуналла хьакхаелла яцахь, йа муьлхха а кхийолу боьха лоруш йолу хIума цу духарх кхетта яцахь, лело а мега и духар, ламаз дан а мега цуьнца. Зуда ламазах йоьхначу хенахь тIедоьхнера аьлла, духар бехлуш дац. Духар ламазана ца мегаш хуьлу нагахь санна цу тIехь боьха лоруш йолу (наджас) хIума елахь.

Ткъа дика хуург сийлахь АллахI ву!

2010-08-05 = ‏24‏/08‏/1431