Хаттар:

Ассаламу Iалайкум! ХIусамнана йолчу стага зина дича, мах юха бан безий? Жоп дала йиш а хилла, ахь жоп делча гIуллакх хир дара цунах. Со хьоьжуш хир ву.

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Зуда ялийначу стага зина дар а, йа марехь йолчу зудчо зина дар а доккха къа ду, боьха хIума а ду. ХIетте а, зина дарх мах бухуш бац, йа галболуш бац. Цундела, зина динчо мах юха бан ца беза. Иза вай дийцира хьалха хIокху хаттарехь:

Зинá дича доьзал-мах бухий?

 Цо дан дезарг – Деле шена гечдар а доьхуш, тоба дан деза цо, даггара дохко а ваьлла, кхин цу балхе юха ца верза сацам бан беза цо. ТIаккха шен зудчунна дика хIусамда а, шен доьзална а дика да́ а хила веза иза.

Ткъа дика хуург сийлахь АллахI ву!

29.12.2009 - ‏1431‏.01‏.12