|
|
| Видео |
|
БисмиллахIир-рохьманир-рохьим Ва Iалайкум ассалам ва рохьматуллахIи ва баракатухI! «Йа́си́н» дешан маьIна дуьйцуш, Имам Ал-Ма́вардийс – Дала къинхетам бойла цунах – аьлла: «Цунах лаьцна деана пхеа кепара маьIна ду: Хьалхарниг: Иза Къуръанан цIерех цхьа цIе ю. Иза Къата́дас аьлла. ШолгIаниг: Иза – лекха хинволчу АллахIан цIерех цхьа цIе ю, цу (Шен цIарца) дуй биъна (дIадолийна) Цо (и сурат). Иза Ибн Iаббаса аьлла. КхоалгIаниг: Лекха хинволчу АллахIа (кхидолчу суратийн юьхьехь санна) Шен къамел дIадолош (аьлла) долчу дешнех ду иза. Иза Муджа́хIида аьлла. ДоьалгIаниг: Иза – «ХIай Мухьаммад!» бохург ду. Иза Мухьаммад ибн Ал-Хьанафиййата аьлла. ... ПхоьалгIаниг: Иза – «ХIай адам!» бохург ду. Иза Ал-Хьасана а, Iикримата а, Ад-Даххьа́ка а, СаIид ибн Джубайра а аьлла».[1] И санна маьIна долу дешнаш кхечу Iелам-наха аьлла а ду: «Лекха хинволчу АллахIан дош «Йасин» - Къуръанан маьIна дина болу Iелам-наха тайп-тайпана маьIна дина хилла дош ду. Церах цхьаболчара иза суратан цIе ю аьлла, йа Къуръанан цIе ю аьлла, йа Элчанан – Делера салават а, салам а хуьлда цунна – цIе ю аьлла. Царна юкъахь цуьнан маьIна: - «ХIай стаг!», йа «ХIай адам!» - ду аьлла хетарш а бу. Ткъа уггар гIолий хила тарлуш долу маьIна – иза и дешнаш Къуръан тIера цхьадолу сураташ шайца дIадолийначу дешнех хилар ду».[2] Дика хуург сийлахь АллахI ву! 12.07.2009 [1] Имам Ал-Ма́вардий, «Ан-Нукату вал-Iуюн» (Тафсирул-Мавардий). [2] Шейх Саййид ТIантIо́вий, «Ат-Тафсирул-ВаситI».
|