|
|
| Видео |
|
Цхьа хаттар
ду сан... Аьрру куьйгаца яахIума яа ца мегий хаьа суна. Амма цхьаъ юучу
хенахь ша-шена аьрру куьйгаца гIо дан магийна дуй? Масала, цхьана куьйгаца
лаца атта ца хилча, шинна куьйгаца яа мегаш дуй; аьрру куьйгаца аьтту
куьйгана жима гIо деш?
БисмиллахIиррохьманиррохьим Ва Iалайкум ассалам ва рохьматуллахIи ва баракатухI! Хьуна хууш ма-хиллара, аьрру куьйга хIума яар а, малар а дика лоруш дац бусалба динехь. Делан Элчано – Делера салават а, салам а хуьлда цунна – аьлла: «Аьрру куьга яахIума ма юийла аш, бакъдолуш, аьрру куьйга яахIума шайтIано юу».[1] Цхьаболчу Iелам-наха иза хьарам ду аьлла, вукхара иза «макрухI» ду аьлла, ткъа «макрухI» бохург – ца деш Iаддитича ме́л а болуш, дича къа а доцуш долу хIума ду. Нагахь санна цхьана аьтту куьгаца юург, йа мерг схьалаца хала делахь, цунна аьрру куьйге гIо дайта дезаш делахь, иза мегаш ду, Дала мукъа лахь, Iелам-наха ма-аллара.[2] Дика хуург сийлахь АллахI ву! 31.03.2009 [1] Муслим. [2] Иза мегаш ду аьллачу Iелам-нахах бу Шейх Ибн Баз а, Шейх Мухьаммад Солихь Ал-Мунадджид а, Шейх Iабдул-Мухьсин Ал-Iаббад а, иштта кхиберш а. Ткъа цхьаболчу Iелам-наха аьлла: нагахь санна аьтту куьйга схьалаьцна юучух цхьа хIума елахь, шолгIа хIума аьрру куьйга схьалаца а мегаш ду. Хьажа: Имам Ал-Мунна́вий, «Файдул-Къадир», 6/499.
|