Хаттар:

Ассаламу Iалайкум!

И "Къул йа аййухIал-кафирун" бохаш дола сура лехчи ца кара дира суна, и далахь хьайгахь, хIокху чу язда аьтто хир барий хьан?

Дела реза хуьлда хьуна!

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

И сурат Къуръан тIехь 109-гIа сурат ду. Къуръан тIера дешча дика хир ду ахь иза. Хьайна деша ца хаахь, Iамо хьажа, вуно чIогIа мелехь а, хIора дийнахь оьшуш а хIума ду хьуна иза.

Ткъа цуьнан маьIна иштта ду, Дала мукъа лахь:

«Къинхетаме а, къинхетам беш а волчу АллахIан цIарца!

Ахь ала: хIай АллахIах ца тешарш (керста нах)! Ас Iибадат (лолла) ца до аш Iибадат (лолла)  дечунна! Шу а дац Iибадат деш ас Iибадат дечунна! Со а вац Iибадат деш (йа дийр долуш) аш Iибадат динчунна! Шу а дац Iибадат деш ас Iибадат дечунна! Шун шайн дин ду, сан сайн дин ду!».

Ткъа дика хуург сийлахь АллахI ву!

2010-08-06 = ‏25‏/08‏/1431