Хаттар:

Ассаламу Iалайкум! Олхазар, компютор чохь хIокху сайт:

http://www.quranflash.com/en/quranflash.html

- тIера къуръан дешча китаб тIера дешча санна ду ала мегар дуй? Мел цхьатерра хир буй ала гIерта со. Компютор чохь деша жиммал атта дара суна.

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Къуръан компютар чохь дешча а, телефон чохь дешча а, йа и шиъ санна болчу кхиболчу гIирсаш чохь дешча а (тахана духкуш лелош «электронни Къуръан» а ду), ша́ кехат тIера Къуръан дешча санна мел хир бу, Дала мукъа лахь.

ХIунда аьлча, иза кехат тIера дешарна а, оцу гIирсашца дешарна а юкъахь башхула йоцу дела.[1]

Кхин а, цхьаболчу Iеламнаха аьлла: Къуръан дагара схьа доьшучул а ша́ кехат тIера дешар гIолий ду. Иза гIолий хиларна цара дийцинчу бахьанашка хьаьжча, цхьаъ доцург (ламаз эцар доцург) кхидолу бахьанаш хIокху кепара дешча а кхочуш хуьлу.

Ткъа дика хуург сийлахь АллахI ву!

30.03.2010 = ‏14‏/04‏/1431