Хаттар:

Ассаламу Iалайкум ва рахьматуллахIи ва баракатухI!

Маж дIаяшар къа дуй? Масала, станокацани эра ду-кх вай.

ТIаккха, мекх лело мегий?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Дукхах болчу Iеламнахана гергахь маж дIаяшар къилахь лоруш ду, цхьаболчара иза къилахь дац олу, делахь а ца йошуш Iадйитича мелехь ду олу. Цундела, шен ма-хуьллу иза дIа ца яша хьажа веза, цхьа доккха бахьана дацахь.

Иза вай дийцира хьалха хIокху хаттарехь: «Маж лелор важиб ду йа суннат ду?».

Амма мекх лелор – нагахь санна хIокхунах лууш дерг маж дIа а яьккхина, мекх Iаддитар делахь, иза Делан Элчанан (Делера салават а, салам а хуьлда цунна) Суннатна нисса бIостанехьа долу хIума ду, цундела иза иштта лелор дика дац.

Амма нагахь санна цунах лууш дерг ша́ и мекх меллалц хилийта мегар ду бохург делахь – иза балдийн йистош тIекхочуш дерг дацдан деза, кхидIа цул лакхара долу мекхаш куц ирча доккхучу кепара дукха дIасадахана хир делахь уьш а дацдан деза, хIунда аьлча бусалба стагехь оцу кепара долу хIума товш дац. ТIакхха, мекхех лаьцна дерг вай дийцира хьалха хIокху хаттарехь:

«Мекх мел дацдан деза?».

Ткъа дика хуург сийлахь АллахI ву!

03.05.2010 = ‏19‏/05‏/1431