Хаттар:

Ассаламу Iалайкум! Малхбуза ламаз дина а яьлла, юха пхьуьйра хенахь дагадеана суна айса дина малхбуза ламаз карахь доцуш дина хилар. АллахIе гечдар дийхира ас. И ламаз тIе да-м ца деза ас? Дезахь, муьлхачу хенахь? Муха ниййат долуш? Баркалла.

Жоп:

БисмиллахIиррохьманиррохьим.

АлхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

И ламаз юха дан деза ахь, хьайна луъучу хенахь, сиха мел до дика а долуш ду. Ниййат хьайн иштта нийса даза диссина долу малхбуза ламаз дан аьлла дийр ду.

Йицйелла дина хилча къилахь а лорур дац ахь динарг.

Ткъа дика хуург АллахI ву!

10.10.2011 = ‏12‏.11‏.1432