Хаттар:

Ассаламу Iалайкум! Ламаз карахь а долуш лак хьаькхча, юх-юха ламаз оьцуш лак дIадаккха дезий?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

ДIадаккха деза. ХIунда аьлча оцу лако маIарш тIе хи ца кхочуьйту. Ламаз оьцуш маIарш тIе хи кхачар важиб ду, и важиб кхочуш ца хилча ламаз иэцар нийса ца хуьлу. Цундела, ламаз карахь а долуш хьаькхна делахь а, керла ламаз оьцуш лак дIадаккха деза.

Ткъа дика хуург сийлахь АллахI ву!

24/08/2010 = ‏14‏/09‏/1431