Ассаламу Iалайкум варахьматуллахI!
Со Европехь ву кхузахь сагIа доьхуш керста нах бу урамашкахь, царна сагIийна хIума яла мегар дуй? Иштта керста стагана хIума яла мегий, бусалба дино хIун боху цунах лаьцна?
АллахIа диканца бекхам бойла хьуна.

Ларамца, Хьасан

БисмиллахIиррохьманиррохьим

Ва Iалайкум ассалам ва рохьматуллахIи ва баракатухI!

Нагахь санна и керста-нах билггал хьашт долуш бу аьлла хетахь, тIаккха сагIийна хIума йала мегар ду царна. Важиб долу закат дала мегар дац царна, вуьшта мелана лун сагIа дала мегар ду.[1]

Керстанна сагIа дала мегаш хилар а, иза мелехь хилар а, церал чIогIа хьашт долуш бусалбанаш белахь царна далар гIолий хилар а вай дийцира хIокху хаттарехь:

Керстанна сагIа дала мегаш дуй?

Ткъа гIолий хуург сийлахь АллахI ву!

19.03.2009