Хаттар:

Ассаламу Iалайкум! Антиквариат ларалуш йолу жаIар (крест) йохка мегар дуй?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Бусалба стага жаIар йохка мегар дац, антиквариат хуьлийла иза, йа деших-детих йина хуьлийла иза, йа муьлхха а цхьана кхечу агIор хуьлийла иза.

Иштта нийса дац иза  шегахь латтор а, кхечунна йалар. ЖаIар йоьхкинехь, цунах схьахилла долу ахча хьарам ду цунна. Ша латийна долу къа шена тIера доккхуш и ахча сагIийна дIадала деза цо, Деле гечдар деха а деза цо.[1]

Ткъа дика хуург сийлахь АллахI ву!

21.12.2010 = ‏15‏.01‏.1432