Хаттар:

Ассаламу Iалайкум! Олхазар Дела реза хуьлда хьуна хIара сайт кхолларна. Цхьа хаттар дара сан хьога: фарз цхьа жиммал лергаш гуш тилла мегаш дуй зударшна, лергаухкарш эра ду-кх вай доцца дийцича. Дела реза хуьлда.

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Тилла ма-дезза аьтту болуш хьал делахь (кхерам бацахь), лергаш гуш, йа лергаухкурш гуш йолуш тилла ца мега йовлакх. Лергаш а, лергаухкурш а дIакъевлина хила деза, хIунда аьлча уьш дIа ца къевлича а къа доцуш йолчу юьхь юккъе догIуш дац.

Ткъа дика хуург сийлахь АллахI ву!

2010-08-04 = ‏23‏/08‏/1431