Хаттар:

Ассаламу Iалайкум! Зуда а, майра а дIасакъаьстина хилча, зудчуьнан бакъо юй шен доьзална тIера Iакъикъа де, хилла волчу майрачуьнан бала ца хилча?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Берана тIера Iакъикъат цунна рицкъа латтор важиб долчо дуьйш ду. Уггар хьалха берана рицкъа латто декхар верг цуьнан да ву. Дас шен декхар кхочуш деш дацахь, (масала аьтту ца хиларна, йа бала ца кхачарна, и.кх.дI.) нанна тIедужу и декхар.

Цундела, да-нана дIасакъаьстина делахь, да шен берашца бала болуш а вацахь, нанас шен берашна тIера Iакъикъат дейта мегар ду, Дала мукъа лахь.

Ткъа дика хуург сийлахь АллахI ву!

17.12.2010 = ‏1432‏-01‏-11