Хаттар:

Ассаламу Iалайкум! Берана догIуш долчу ахчанах берана хьакъикъат дайтар нийса дуй-те бусалба динехь?

Жоп:

БисмиллахI, алхьамдулиллахI, вассолату вассаламу Iала росулиллахI!

Ва Iалайкум ассалам ва рохьматуллахIи ва баракатухI!

Берана Iедало луш долу ахча оцу беран ахча ду, цуьнан хьаштана а, цунна оьшучунна а дIахьажо дезаш ду иза. Ткъа Iакъикъат оцу берана рицкъа латто дезачо шен ахчанах доьйтуш ду, беран ахчанах доьйтуш дац, иштта билгалдина а ду иза шафиIий мазхIабера Iеламнаха, беран ахчанах доьйтур дац аьлла. Нагахь санна оцу беран ахчанах цунна тIера Iакъикъат дейтахь, и ахча декхар хилла тIедужур ду Iакъикъат дейтина волчунна, оцу берана дIадала а дезар ду иза.[1]

Цундела, берана догIуш долчу ахчанах цунна Iакъикъат дер нийса ца хуьлу.

Ткъа дика хуург сийлахь волу АллахI ву!

 17.12.2010 = ‏1432‏-01‏-11